شعر رومانسى تحفه , احلى شعر , قصيده رائعه 2025

شعر رومانسى تحفه , احلى شعر , قصيده رائعه 2025
شعر رومانسى تحفه , احلى شعر , قصيده رائعه 2025


أجمل شعر ممكن تقرااااااااااااااه بجد تحفه
يارب يعجبكم


​

طلبت اشوفه من تاني
عشان فعلاً بيوحشني
جالي وساكت ومتغير
مقرر انه هيسيبني !

قال يا حبيبتي انا تعبان
حياتي كلها احباط !
وقال بالحرف: انا صغير
ولسه مش قد ارتباط

مفيش شغلة ولا مشغلة
ومش ناقصة بقا المسألة
شوفي حياتك وحبي جديد
حياتك مناقصهاش بهدلة !

ضحكت في وشه ومستغربتش
ما دايماً احب .. متحبش !
ولا عمري حلمت بحلم
وكمل الحلم متهدش !


انا واحدة سابوها كل الناس !
واحدة كانت لكله مداس !
واحدة اتهانت واتكسرت
جراحها كبيرة ما تتقاس


كنت انت اخر صبري
وحاجة فيها بتشعبط
حسيت لازم معاك عمري
المه بعد ما اتلغبط !
[حسيت] اوي وانا اسفة
تملي احساسي بيغلط !


بس امشي عادي وايه يعني ..
انا واخدة على الوحدة
صحيح قلبي بيوجعني
لكن مسير الوجع يهدى .. !


روح انت وسيبني هنا
هبص شوية في الجدران
همسح دمع قلب اتحرق
همسح كل ذكرى زمان

متقلقش انا بخير
دموعي دي خطوة للنسيان !

متقلقش انا بــخــيــر /
دمــوعـي دي خـطـوة للـنـسـيآآن .. ~