وصفة طريقة عمل مكعبات اللحم ببشر البرتقال ، طهى اللحم،مكعبات اللحم2024 إزيكم عاملين إيه موضوع انهارده بعنوان وصفة طريقة عمل مكعبات اللحم ببشر البرتقال ، طهى اللحم،مكعبات اللحم2024 النهارده هنعمل مع بعض اللحمة ببشر البرتقال كنوع من التغيير، طريقة سهلة وخفيفة على المعدة، ممكن تقدميها مع الرز الأبيض.. مكعبات اللحمة ببشر البرتقال المقادير: ½ كيلو لحمة مقطعة مكعبات عود بصل أخضر مقطع شرائح صغيرة 2 ملعقة كبيرة صوص الصويا 2 ملعقة كبيرة بشر البرتقال ¼ كوب عصير برتقال ملعقة كبيرة سكر 2 فص ثوم مفروم ملعقة صغيرة نشا ملح وفلفل أسود ¼ كوب خل ¼ كوب ميه زيت نباتي شطة الطريقة: 1- تبّلي اللحمة بعصير البرتقال والخل والفلفل الأسود والشطة والصويا والثوم والسكر، وقلبيهم مع بعض وغطيهم وسيبيهم في الثلاجة لمدة ساعة. 2- صفّي اللحمة من الخليط وسيبيها على جنب، ضيفي على الخليط الميه والنشا وقلبيهم مع بعض وسيبيهم على جنب. 3- ادهني الطاسة بزيت نباتي وضيفي اللحمة وسيبيها على النار تستوي مع التقليب لمدة دقيقتين، وبعدين ضيفي عليها البصل وبشر البرتقال وقلبيهم على النار لمدة دقيقة، وبعد كده ضيفي الخليط عليها والملح وسيبيها تغلي على النار مع التقليب، وقدميها.. وبالهنا والشفا.
