النت بياخذك من اهلك النت بياخذك من اهلك قصة واحد الحقيقه سبب موضوعى حوار دار اليوم بينى وبين خالتى اللى ربتنى من صغرى بعد وفاه والدى ووالدتى فى حادثه وانا لسه صغير لفتت نظرى بسؤال مهم جدا انت ليه يا عادل مش بتقعد معى انت من الشغل للبيت للنت او من الشغل للبيت للخروج مع اصحابك للنت وبعدين الشغل وهكذا وانا بصراحه بحس بوحده حتى وانت معى فى البيت الا بقى لما بيجى بناتى المتزوجات بيضيعوا عليه الوحده دى فى الحقيقه انا لقيت عندها حق فى اللى بتقوله ومبقتش عارف اقولها ايه او ارد اقولها ايه غير كلمه عندك حق يا خالتى انا فعلا مقصر معك فى الموضوع ده وان شاء الله اوعدك من اليوم انى هوفق بين شغلى والنت واصحابى اللى بخرج معهم وبين انى اقعد معاكى اكبر قدر ممكن وفعلا جلست معها وانا بفكر ياترى انا الوحيد اللى مقصر مع خالتى ولا النت واخد معظمنا من اهله احنا دايما بنشكى من الوحده وبنشكى من الملل وساعات بنلوم الاهل فى اشياء حتى لو بعدم اهتمامهم بينا لكن هل فكرنا لحظه اننا بالفعل مقصرين مع اهلنا اقل شىء اننا نعيش معهم فى بيت واحد وبنهتم بالنت اكثر من اهتمامنا بالجلوس معهم اكبر وقت ممكن وعشان كدا بقول لكل واحده وكل واحد مقصر زى ما انا قصرت مع خالتى ياريت تحاولوا توفقوا بين النت وبين الجلوس مع الاهل اكبر قدر ممكن جايز حالتى بتختلف عن حالتكم انى وحيد ماليش اخوات وعايش انا وخالتى لوحدنا بس مش معنى ذلك انكم تقصروا فى الجلوس مع الاهل بانشغالكم بالنت طول اليوم وتقولوا الاهل عندهم اللى يشغلهم ومش بيحسوا بالوحده ولا بيشتكوا
