طريقة عمل الفطائر بالثوم والجبنة 2025 , طريقة فطائر جديدة وشهية

طريقة عمل الفطائر بالثوم والجبنة 2025 , طريقة فطائر جديدة وشهية

طريقة عمل الفطائر بالثوم والجبنة 2025 , طريقة فطائر جديدة وشهية


السلام عليكم ورحمة الله وبركاته
اهلا بيكم في اكبر وارقي منتدي
حتلاقوا عندنا في منتدي حب البنات كل اللي في بالك
موضوع النهارده عن

طريقة عمل الفطائر بالثوم والجبنة 2025 , طريقة فطائر جديدة وشهية

النهارده هنعمل مع بعض فطائر بالثوم والجبنة بطريقة سهلة وبسيطة ليكي ولأفراد أسرتك، ممكن تعمليها للفطار أو للعشاء.

فطائر الثوم والجبنة
المقادير:
2¼ كوب دقيق
2 ملعقة كبيرة بقدونس مفروم
1½ ملعقة كبيرة زبدة سايحة
ملعقة كبيرة زيت زيتون
½ ملعقة صغيرة سكر
ملعقة صغيرة ملح
جبنة رومي مبشور
3 فص ثوم مفروم
فلفل أسود وشطة
علبة خميرة
كوب ميه
بيضة

الطريقة:
1- اخلطي الخميرة والمية و½ كوب دقيق مع بعض كويس، وبعد كده ضيفي السكر وقلبيه كويس، وبعدين غطي الخليط وسيبيه في مكان دافئ لمدة 20 دقيقة.

2- ارفعي الغطاء عن خليط الخميرة والدقيق وضيفي عليه الملح وزيت الزيتون والبيضة واخلطيهم مع بعض كويس، وبعدين ضيفي باقي الدقيق واخلطيهم مع بعض لحد ما تتجانس العجينة، وبعد كده غطي العجينة وسيبيها في مكان دافئ لمدة من ساعة إلى ساعة ونصف.

3- رشي طبقة خفيفة من الدقيق على العجينة وابدأي افرديها، وبعدين قلبي الزبدة مع الثوم وادهني بيهم العجينة، وبعدين رشي عليهم الجبنة والفلفل الأسود والشطة والبقدونس.

4- افردي أطراف العجينة بإيديكي وادهنيها بطبقة خفيفة من زيت الزيتون، وبعد كده ابدأي لفي العجينة، وبعدين اقسميها لنصفين وقطعي كل نصف لـ4 قطع، وبعد كده افتحي كل قطعة بالسكينة من فوق، وبعدين ادهنيهم بزيت الزيتون ورشي عليهم الجبنة.

5- سيبيي اللفائف في مكان دافئ لمدة 20 دقيقة، وبعد كده دخليهم الفرن لمدة 20 دقيقة، وقدميه.. وبالهنا والشفا.


​

 

رد: طريقة عمل الفطائر بالثوم والجبنة 2025 , طريقة فطائر جديدة وشهية


شكلها حلو كتير هيك فطائر
كنت بجبها جاهزة
راح جربها بالبيت بتكون احلى

 

رد: طريقة عمل الفطائر بالثوم والجبنة 2025 , طريقة فطائر جديدة وشهية

حلوة وسهلة وبتبقا خفيفه تنفع للفطار او العشا
تسلم يدااكى

 

رد: طريقة عمل الفطائر بالثوم والجبنة 2025 , طريقة فطائر جديدة وشهية


جميلة جداااا وشكلها تحفة
كنت هموت واعرف طريقتها
مشكورة ياحبيبتي