طريقة عمل كريب بالجبنة 2025 , احلى طريقة لعمل الكريب بالصور

طريقة عمل كريب بالجبنة 2025 , احلى طريقة لعمل الكريب بالصور

طريقة عمل كريب بالجبنة 2025 , احلى طريقة لعمل الكريب بالصور



السلام عليكم ورحمة الله وبركاته
زوار وأعضاء منتدى حب البنات
أسعد الله صباحكم ومسائكم بكل خير



النهارده هنعمل مع بعض كريب بالجبنة ومربى التوت بطريقة بسيطة وسهلة ممكن تقدميها لأسرتك في الفطار أو الغذاء.

كريب الجبنة
المقادير:
كوب دقيق
3 ملعقة كبيرة زيت زيتون
ملعقة كبيرة سكر
¼ كوب ميه
رشة ملح
كوب لبن
2 بيضة
زبدة

مقادير الحشو:
3 ملعقة كبيرة سكر بودرة
ملعقة كبيرة ليمون مبشور
1½ كوب جبنة بيضاء
بيضة

للتزيين:
½ كوب مربى
¼ كوب ميه

الطريقة:
1- ضيفي على الدقيق البيض وزيت الزيتون والملح والسكر والميه واخلطيهم مع بعض، وبعد كده ضيفي عليهم اللبن واخلطيهم كويس مع بعض لحد ما يتجانس الخليط، وبعد كده حطي الخليط في الثلاجة لمدة ساعة.

2- للتزيين: اغلي المربى على النار مع الميه، وبعد كده ارفعيها من على النار وسيبيها على جنب.

3- للحشو: اخلطي الجبنة مع البيضة والسكر البودرة والليمون مع بعض وسيبيهم على جنب.

4- طلعي عجينة الكريب من الثلاجة وحطي شوية منها على النار واقلبيها على الناحية التانية وكرري الخطوة دي مع باقي العجين، وبعد كده ابدأي حطي الحشو في الكريب ولفيها كويس وكرري الخطوة دي مع باقي الكريب.

5- ادهني الصينية بالزبدة ورصي فيها الكريب وحطيه في الفرن لمدة من 10-15 دقيقة وطلعيه من الفرن وقدميه مع المربى.. وبالهنا والشفا.
​

 

رد: طريقة عمل كريب بالجبنة 2025 , احلى طريقة لعمل الكريب بالصور



بحب الكريب كتييييير
تسلمى حبيبتى وممكن اى حشو تانى كمان

 

رد: طريقة عمل كريب بالجبنة 2025 , احلى طريقة لعمل الكريب بالصور

شبه الجلاش
وممكن فعلا نستبدله بجلاش ونفس الطريقه
شكرا ليكى

 

رد: طريقة عمل كريب بالجبنة 2025 , احلى طريقة لعمل الكريب بالصور


بعشق الحلويااات
وبالذات الكريب اياكان الحشو
تسلمي ياجميل