1. Lyla-Omar

    Lyla-Omar Guest


    السلام عليكم ورحمه الله وبركاته


    الى كل اخواتى واعزائى اعضاء وزوار منتدى نجوم مصريه والى كل اللاتى يعانن من شعرهن الزائد النهارده جيبالكم كورس رااااائع للتخلص من الشعر الزائد وهذا الكورس انا استخدمته ورائع جدا ومضمون وجرب وليس له اى اضرار جانبيه واليكم هذا الكورس للقضاء على الشعر الزائد نهائيا يارب تنال رضاكم



    المكونات:-
    1- سويت بالفاسوخة و المستكة

    2- كريم السعد هقول لكم ازاي تعمليه في البيت و بيبقي أحسن من الجاهز و أنا مجرباها بنفسي و الله أكتر من رووووووووعة

    والله أنا بقالي شهر و نصف من بعد ما عملت الكورس مش طلع غير بعض الشعرات البسيطة قووي إللي تلاحظيها بس بصعوبة علي العلم من إن ديه اول مرة اعملها و لكن مع الإستمرار بتقضي علي الشعر نهائيا

    نبدأ .... أولا مقادير السويت :
    10 جرام فاسوخة - ملعقه صغيرة مستكة مطحونة - ملعقه كبيرة زيت زيتون -كوب سكر - نصف كوب ماء -ذرة شبه - ليمونة

    الطريقة : نعمل سويت يالطريقة العادية ( لازم تكون مستوية كويس يعني لونها بني ) وفي اناء أخر ضعي الفاسوخة ( الفاسوخه موجوده عند العطار وشكلها زى العجوه وخيصه جدا) و ضيفي إليها زيت الزيتون و حطيهم علي نار هادية لحد ما تسيح وبعدين ضيفي عليها المستكة والشبه و قلبيهم كويس
    وبعدين تضيفي الخليط ده إلي السويت و قلبيهم كويس و بعدين تحفظيها في الثلاجة وتستخدمي منها


    ( شوفوا أنا هقولكم انا حفظتها إزاي بجيب أكياس بلاستك و أقطع كل كيسة إلي ناحيتين و بعدين أدهن كل ناحية بزيت زيتون و بعدين أحط عليها السويت بالكمية إللي هستعملها في المرة الواحدة.و ألفها زي الجاهزة بالضبط و أحطها في الثلاجة

    ** و بعد ما تعملي جسمك بالسويت ديه تدهني جسمك بكريم السعد يترك علي الجسم من بالليل إلي الصباح وبعدين تخدي شور الصبح وده تستعمليه لمدة 7 أيام من بعد استمال السويت


    2- مقادير الكريم : ملعقه صغيرة من نبات السعد المطحون ( يبقي ناعم قووي ) -قطعة فاسوخة صغيرة - 2 ملعقه كبيرة زيت السعد - ملعقه كبيرة زيت لوز مر - ملعقه صغيرة عسل نحل - نصف ملعقه شمع عسل - ملعقه كبيرة فازلين خام


    الطريقة : دوبي الفاسوخة مع مع زيت اللوز علي نار هادية لحد ما يسيح خالص و ضيفي عليه زيت السعد وبعدين الفازلين و قلبيهم كويس أوي و بعد كده ضيفي العسل و قلبيهم مع بعض لمدة دقيقة وبعدين ارفعيهم من علي النار
    و بعدين ضيفي شمع العسل و نبات السعد و قلبي لمدة 4 دقائق و حطيهم في برطمان ولما يبرد تستخدميه
     
  2. جاري تحميل الصفحة...