مرحبا بكم نقدم لكم اجدد نكت مصرية اتمنى تعجبكم مرة واحد كان معاه ربع جنيه1 ففكر يعمل بيه إيه يشرب عصير قصب و لا يركب الأتوبيس فقال أنا لو شربت عصير قصب مفيش مشكلة بس لو ركبت الأتوبيس هيبقي في حل من إثنين يإما هقف أو هقعد لو وقفت مش هيبقي في أي مشكلة لكن لو قعدت هيبقي في حل من إثنين يا إما هيقعد جنبي راجل أو تقعد جمبي ست أنا لوقعدت بجانب راجل مفيش مشكلة لكن لو قعدت بجانب ست هيبقي فيحل من إثنين يا إما هنعجب ببعض يا إما مش هنعجب ببعض لو مأعجبناش ببعض مفيش مشكلة لكن لو أعجبنا ببعض هيبقي في حل من إثنين يا إما هنتجوز يا اما مش هنتجوز لو مإتجوزناش مفيش مشكلة لكن لو إتجوزنا هيبقي في حل من إثنين يإما هنخلف يا اما مش هنخلف لو مخلفناش مفيش مشكلة لكن لو خلفنا هيبقي في حل من إثنين يا إما هنخلف ولد أو بنت لو خلفنا بنت مفيش مشكلة لكن لو خلفنا ولد هيبقي في حل من إثنين يا إما هيستقيم أو هينحرف لو إستقام مفيش مشكلة لكن لو إنحرف هيبقي في حل من إثنين يا إما يدمن أو مش هيدمن لو مأدمنش مفيش مشكلة لكن لو أدمن هيبقي في حل من إثنين يا اما هيحتاج فلوس أو مش هيحتاج فلوس لو ما احتاجش فلوس مفيش مشكلة لكن لو احتاج يبقى فى حل من الاتنين يإما هيبقي معاه فلوس أو معهوش لو كان معاه فلوس مفيش مشكلة لكن لو كان عايز فلوس هيبقي في حل من إثنين يإما هيسرقني أو هيقتلني لو سرقني مفيش مشكلة لكن لو قتلني .. يقتلني ؟؟!!!!!!!!! لا يا عم أنا أشرب عصير قصب أحسن
