مساء الخير يا قمرات النهارده جيبتلكو طريقه شوربة شعيرية بكرات اللحمة بما اننا لسه طالعين من العيد واللحمه عندنا كتير جربوها هتعجبكو جدا شوربة الشعيرية بكرات اللحمة المقادير: ½ كوب شعيرية ¼ كيلو لحمة مفرومة 2 كوب عصير طماطم 2 ملعقة كبيرة زيت نباتي ¼ ملعقة صغيرة بهارات 3 ملعقة كبيرة دقيق بصلة صغيرة مفرومة 3 كوب شوربة فص ثوم مفروم بقدونس مفروم للتزيين ملح وفلفل الطريقة: 1- شكّلي اللحمة المفرومة كرات صغيرة وغلّفيها بطبقة دقيق خفيفة. 2- سخّني الزيت في حلة وشوّحي فيها كرات اللحمة من كل الجوانب لغاية ما لونها يتغير، وبعد كده طلّعيها. 3- حطّي البصل والثوم في نفس الحلة وقلّبيهم لغاية مايدبلوا وبعدين ضيفي عليهم الشعيرية وقلّبيهم مع بعض على النار لغاية ما الشعيرية تتحمر، وبعد كده ضيفي عصير الطماطم والشوربة والملح والفلفل والبهارات وكرات الكفتة، وغطّيهم وسيبيهم على نار هادية لمدة 15 دقيقة لغاية ما الكفتة والشعيرية يستووا. 4- اغرفي الشوربة في الأطباق وزينيها بالبقدونس وممكن تقدّمي معاها عصير ليمون.
رد: طريقه عمل شوربه شعريه بكرات اللحمه 2025 , اسهل طريقه لشوربه الشعريه 2025 , Vermic طبق شوربه لذيذ جدا تسلم ايدك
رد: طريقه عمل شوربه شعريه بكرات اللحمه 2025 , اسهل طريقه لشوربه الشعريه 2025 , Vermic وصفه شهيه تسلم ايدك الله يعطيكى العافيه
