كرات شكولاته لذيذه2024، احلى واخف حلويات 2024، Chocolate balls

كيفكم جميعا



يا رب تكونوا بخير


انهردة عملالكم حاجة حلوة وجديدة جدااا


عملاكم كرات الشيكولاته

شيك جداا فى التقديم لضيوفك وكمان لذيذة جداااااا


تعالوا نشوف بتتعمل ازاى



المكونات

بسكويت ساده

زبدة سايحة

كيس لبن بودره

نسكويك او / كاكاو

ماء

نشا

للتجميل

صوص الشيكولاته

جوز هند




انا استخدمت 8 اكياس بسكويت مارى




اول حاجة بطحن البسكويت كويس اوووووى لحد ما يبقى ناعم




بجيب كوب ماء واحط فيها كيس اللبن البودر كله واقلب كويس

لحد ما يبقى لبن





هنا اللبن بتاعى بحط عليه 2 معلقة نسكويك او كاكاو واقلب كويس

واطهم على النار

وبعدين لما يمتزج ببعضه كويس
بحط 2 معلقة كبيرة نشا

وافضل اقلب علشان متكلكعش لحد ما الخليط يتقل ويبقى سميك شوية اطفى النار عليه





بحط على البسكويت المطحون 2 معلقة كبيرة نسكويك واقلبهم فى بعض




اسيح قطعه زبدة صغيرة وانزلها على الخليط بتاعى





وبعدين انزل خليط اللبن بالنسكويك بالنشا بتاعى عليه واقلب كويس اوووووى





هنا بعد ما قلبتها فى بعضها عملتللى الكورة الجميلة دى

بحطها فى التلاجة نص ساعه تمسك نفسها شوية





وبحضر صوص شيكولاته وجوز هند

صوص الشيكولاته بيتعمل بشيكولاته خااام وعليها نص كوب لبن ومعلقة سمنه

واسيبهم على نار هادئة واقلب وبعدينا اشيلها تبرد


وبعد كده بطلع الكورة الكبيرة بتاعتى من التلاجة





بعمل بقا كور صغيرة واغطسها فى صوص الشيكولاته وبعدين جوز الهند

واحطها فى الصينيه بتاعتى بالشكل ده


عملت جزء بجوز الهند وجزء بالشيكولاته بس


واحطها فى الفريزر علشان تمسك كويس

واطلعها للتقديم

 

رد: كرات شكولاته لذيذه2024، احلى واخف حلويات 2024، Chocolate balls

واووو ع الشيكولاته
حلوووووووه اووى
ان شاء الله هجربها

 

رد: كرات شكولاته لذيذه2024، احلى واخف حلويات 2024، Chocolate balls

روعه حبيبتى
عاشت ايدك
وصقه لذيذه