السلام عليكم ورحمه الله وبركاتهلكل واحده بتحب التغيير تعالى اعملي معانا النهارده لافا الشيكولاتة أو كيكة الشيكولاتة السايحة، بطريقة سهلة ومكونات بسيطة، وتقدري تقدميها مع آيس كريم بالفانيليا. لافا الشيكولاتة المقادير: قالب شيكولاتة خام 1/8 ملعقة صغيرة فانيليا 4 ملعقة صغيرة كاكاو 3 ملعقة كبيرة دقيق 3 ملعقة كبيرة سكر 5 ملعقة كبيرة زبدة 2 صفار بيضة رشة ملح 2 بيضة الطريقة: 1- هاتي 4 قوالب وابدئي ادهنيهم بطبقة خفيفة من الزبدة والكاكاو، وسيبيهم على جنب. 2- اخلطي البيض مع صفار البيض والسكر كويس، وسيبيهم على جنب. 3- ضيفي الزبدة مع الشيكولاتة الخام ودخّليهم الفرن يسيحوا، أو حطّيهم على بخار مائي على النار لحد ما الشيكولاتة تسيح تماما، وبعدين ضيفي خليط الشيكولاتة والزبدة على خليط البيض وامزجيهم مع بعض كويس، وبعدين ضيفي عليهم الكاكاو والدقيق والملح والفانيليا، وقلّبيهم كويس مع بعض. 4- حطي الخليط في القوالب بحيث إنه يملى ¾ القالب بس، وبعد كده غطّيهم بكيس بلاستيك وحطّيهم في الثلاجة لمدة 30 دقيقة. 5- حطّي القوالب في الصينية وحطّي ميه سخنة في الصينية بحيث توصل لنصف القوالب، ودخّليهم فرن درجة حرارته 220 درجة مئوية لمدة من 15 : 18 دقيقة، وبعد كده طلّعيهم وسيبي القوالب تهدى لمدة دقيقتين. 6- بعد كده افصلي جوانب الكيكة بالسكينة، واقلبيهم في أطباق التقديم، وزيّنيها بالسكر البودرة وبعدين قدّميها، وممكن تقدّمي معاها آيس كريم بالفانيليا.. وبالهنا والشفا.
رد: طريقه عمل لافا الشوكولاته 2024 , اسهل وصفه لافا الشوكولاته 2024 , Chocolate Lava وصفه حلوه اووى تسلمى
رد: طريقه عمل لافا الشوكولاته 2024 , اسهل وصفه لافا الشوكولاته 2024 , Chocolate Lava روووووعه تسلم ايدك
