طريقة الارز المعمر بالقراخ، أشهى المأكولات ،وصفات 2025

طريقة الارز المعمر بالقراخ، أشهى المأكولات ،وصفات 2025
كوب رز مصرى

1 كيلو لبن

سمن بلدى

قشطة

فرخة متوسطة الحجم

بصلة صغيرة مفرومة

فص توم مفروم

ملح

فلفل اسود

رشة جوزة الطيب (اختيارى )









اول حاجة غسلت الرز كويس ونقعته شوية فى المية

وبعدين حطيت اللبن يغلى على النار

وفى نفس الوقت حطيت السمنة فى الحلة



ونزلت عليها بالرز يتشوح شوية علشان يبقى مفلفل وكمان مياخدش وقت فى التسوية معايا



وبعدين ضفت له رشة ملح وفلفل اسود لحد ما بقى بالشكل ده



نخش بأه على الفراخ حطيتها فى الحلة وخليت الجلد من تحت علشان الدهون تنزل منها

ومنحتاجش سمن تانى



وبعدين نزلت عليها بالبصلة والتومة والتوابل



وشوحتها لحد ما شربت ميتها وبعدين ضفت لها فنجان شوربة من الحمام وغطيت عليها علشان تستوى

نص سوا لانى هاحطها بالعضم وكل حاجة عندى سخنة فمش هياخد وقت فى الفرن

وحطيت نص كمية الرز فى الطاجن



وبعدين قطع الفراخ



وباقى الرز هو باين انه قليل بس لما يستوى هيزيد



واخيرا اللبن المغلى والقشطة



ودخلته الفرن كنت مسخناه الاول برضه علشان الوقت ومعاه الحمام يتحمر بالمرة

فىالرف اللى فى النص وبعد ما اتشرب اللبن كله نزلته على الصاج من تحت ووطيت النار عليه

ودا شكله لما طلع بالسلامة




​