طاجن اللحم بالصور يجنن ، طواجن هتعجبك ، وصفات 2025

طاجن اللحم بالصور يجنن ، طواجن هتعجبك ، وصفات 2025
المقادير
معلقتين سمن (للتشويح)
كيلو بصل صغير
كيلو لحمه

الطريقه
نسلق اللحمه لحد السوى بس من غير ما تتهرى وتظبطى شوربتك تحطى لها ورق لورو وحبهان وفلفل اسمر وجوزة الطيب لو بتحبيهاولما تستوى حطى الملح
تجهزى البصل وتشوحيه فى السمنه



واول ما يبتدى يدبل تنزلى عليه باللحمه وتشوحيها معاه شويه



وبعدين تحطى عليهم شوربة اللحمه وتسيبيهم يغلوا شويه وبعدين تنقليهم فى طاجن ولو محتاجه شوربه زودى شويه ودخليهم الفرن وسيبيهم لحد ما يشرب الشوربه بس ما ينشفش لا يكون جوسى كدة والبصل يبقى كانه زببببببده والله يا جماعه طعمه واااااااااااااااااااااااا ااو جوزى من ساعة ماداقو ادمنه بقى يقولى دة اساسى فى اى عزومه بعد كدة حتى حماتى واختها لما داقو فى العزومه بقوا يقولولى ايه الجمال دة انتى عاملاه ازاى لدرجة انهم بقوا يقولولى االبصل بقى بطعم اللحمه احنا فاكرينه لحمه بس مش قادرة اقولكوا كنت قاعدى عامله كدة
اصل هما عتاولة مطبخ ومبيشكروش فى اكل اى حد
واليكم الجميل جمال اللى مالوش مثال



حاسبو بس على صوابعكو احسن تتاكل
بجد جاااااااااااااااااااامد وفى العزومات بيبقى كينج ع السفرة
ده شكل السفرة فى العزومه اللى كنت عاملاه فيها


​