وصفة طريقة عمل الرز الاسبانى، الرز على الطريقة الاسبانية ،الرز2024 وصفة طريقة عمل الرز الاسبانى، الرز على الطريقة الاسبانية ،الرز2024 السلام عليكم ورحمة الله وبركاته اعضاء مساء / صباح الورد عليكم اتمني موضوع اليوم يعجبكم ولا تحرموني من ردودكم العذبه النهارده هنعمل مع بعض رز على الطريقة الإسبانية كنوع من التغيير بدل الرز العادي، وممكن تعملي معاه أي نوع خضراوات وتقدّميه. رز على الطريقة الإسبانية المقادير: 2 كوب رز بسمتي 1/ 3 كوب بصل أخضر مقطّع قطع صغيرة 1/ 3 كوب فلفل أخضر مقطع شرائح ½ كوب صلصة طماطم 2¼ كوب شوربة فراخ ½ ملعقة صغيرة شطة ½ ملعقة صغيرة ملح ملعقة صغيرة بابريكا ملعقة صغيرة كمون فص ثوم مطحون ملعقة كبيرة زبدة الطريقة: 1- سيّحي الزبدة على النار، وضيفي عليها الرز والفلفل والبصل والثوم وقلّبيهم مع بعض، وبعد كده ضيفي الشطة والبابريكا والكمون والملح وقلّبيهم مع بعض كويس، وبعد كده ضيفي الشوربة والصلصة وقلّبيهم مع بعض كويس، وبعد كده غطّيه وسيبيه على النار لمدة 20 دقيقة لحد ما الخليط يغلي. 2- ارفعي الرز من على النار وسيبيه متغطّي لمدة 8 دقائق، وبعد كده ارفعي الغطاء وقلبي الرز كويس، وبعد كده قدّميه.. وبالهنا والشفا.
