طريقه عمل كيكه الجزر 2024 , اسهل كيكه جزر 2024 , Carrot cake

النهارده هنعمل مع بعض كيكة الجزر اللذيذة ليكي ولأسرتك، وممكن تزيّنيها باللبنة أو المارينج.
وهيبقى تغيير بالجزر اذا مليتى من عمله مربى او يتاكل فى الخضار مع الوجبات الاساسيه






كيكة الجزر
المقادير:
3 كوب دقيق
ملعقة صغيرة بيكينج صودا
ملعقة صغيرة بيكينج بودر
1/ 3 كوب عسل أسود
½ كيلو جزر مبشور
ملعقة كبيرة قرفة
1¼ كوب سكر
كوب عين جمل
كوب زيت
رشة ملح
3 بيضة

الطريقة:
1- اخلطي الزيت والسكر والعسل مع بعض كويس بمضرب اليد، وبعدين ضيفي عليهم البيض والقرفة، واخلطيهم مع بعض لحد ما الخليط يتجانس.

2- ضيفي عليهم الدقيق والبيكينج بودر والبيكينج صودا واخلطيهم كويس مع بعض، وبعد كده ضيفي عليهم الجزر وعين الجمل (**ّري عين الجمل بإيديكي وضيفيه للعجينة) وقلبيهم مع بعض كويس، وبعدين ضيفي عليهم رشة الملح، واستمرّي بالتقليب لحد ما العجينة تتجانس.

3- ادهني الصينية بالزيت، وبعد كده افردي العجينة فيها ودخليها فرن درجة حرارته 180 درجة مئوية لمدة ساعة، وبعدين طلّعيها من الفرن وسيبيها تبرد شوية على جنب، وبعد كده قطّعيها وقدميها.. وبالهنا والشفا.

​

 

رد: طريقه عمل كيكه الجزر 2024 , اسهل كيكه جزر 2024 , Carrot cake

مميزه
تسلمي ع الاكله

 

رد: طريقه عمل كيكه الجزر 2024 , اسهل كيكه جزر 2024 , Carrot cake

يمى يمى يمى
ع الوصفه الرائه
تسلمى