جربي معانا النهارده طريقة عمل كرات اللحمة على الطريقة السويدية كنوع من التغيير ليكي ولأسرتك. كرات اللحمة على الطريقة السويدية المقادير: كيلو لحمة مفرومة ½ ثمرة بصل مقطعة لقطع صغيرة ¼ ملعقة صغيرة جوزة الطيب ¾ ملعقة صغيرة فلفل أسود ¼ ملعقة صغيرة بهارات ½1 ملعقة صغيرة ملح 1/3 كوب بقسماط 2 ملعقة كبيرة زبدة ¼ كوب لبن رشة شطة 2 بيضة مقادير الصوص: ½ ملعقة صغيرة سكر 2 ملعقة كبيرة زبدة 3 ملعقة كبيرة دقيق ¼3 كوب شوربة ملح وفلفل أسود ½ كوب كريمة الطريقة: 1- شوّحي البصل في الزيت على النار، وبعدين ارفعيه من على النار وامزجيه مع اللبن والبيض والبقسماط بمضرب اليد، وبعدين ضيفي عليه جوزة الطيب والبهارات والفلفل الأسود والملح والشطة، واخلطيهم مع بعض. 2- ضيفي على الخليط اللحمة المفرومة وامزجيهم مع بعض، وبعدين غلّفيه ودخليه الثلاجة لمدة ساعة. 3- لعمل الصوص: سيحي الزبدة في نفس الطاسة اللي شوحتي فيها البصل، وضيفي عليها الدقيق وقلبيهم مع بعض على نار متوسطة لمدة من 4-5 دقائق، وبعد كده ضيفي عليهم الشوربة بالتدريج، وبعد كده ضيفي الكريمة ورشة فلفل أسود وملح وسكر مع استمرار التقليب، لحد ما الخليط يغلي لمدة من 6-7 دقائق. 4- طلعي خليط اللحمة المفرومة من الثلاجة وابدأي شكّليه على هيئة كور صغيرة، وبعد كده رصيهم في الصينية ودخليهم فرن درجة حرارتة 220 درجة مئوية لمدة 20 دقيقة أو لحد ما يبقى لونهم بني فاتح. 5- طلعي كرات اللحمة من الفرن وحطيهم في الصوص وسيبيهم على نار هادية لحد ما الصوص يغلي للمرة الثانية، وبعدين ارفعي كرات اللحم بالصوص من على النار وقدميهم.. وبالهنا والشفا.
رد: طريقه عمل كرات اللحم السويديه 2024 , الذ كرات لحم سويديه2024 , Meat balls on the تسلمى ع كرات اللحم اللذيذه
رد: طريقه عمل كرات اللحم السويديه 2024 , الذ كرات لحم سويديه2024 , Meat balls on the عاشت ايديكى وصفه رائعه جدا
