محشي خس 2025 ، محشي بطريقتى العبقريه2025،Stuffed lettuce

صباحكم / مساكم فل يا جميلات المنتدى
جايبالكم النهارده محشي تحفة محشي خس لو جربتوه هيعجبكم جداً





المقادير
ورق خس
1 كيلو بصل
طماطم معصورة
صلصة طماطم
خضرة محشي ( شبت وكسبرة وبقدونس )
ملعقة سمن
ملح / فلفل / كمون / بهارات محشي
الطريقة
اولا الخلطة انا بعملها ني في ني يعني مش بشوح البصل او الطماطم وده بيخليها خفيفة علي المعدة
بفرم البصل في الكيتشن واقطع عليه الخضرة واحط الطماطم وعصير الطماطم

والملح والبهارات وملعقة السمن
واخلط الجميع جيداً
وادفي ميه مش اغليها واحط فيها ورق الخس بعد ما اكون غسلته كويس
مجرد انه يدبل في الميه السخنة واصفيه منها

وابدأ احشي عادى جداً زى ورق العنب
وابدأ التسوية اغطي المحشي بالشوربة المغلية
( انا دايما بيكون عندى في الفريزر اكياس شوربة )
واعصر ليمونة او اتنين بتدى المحشي مزازة
واسوية عادى جداً
ولما يستوى
اجيب قشرة بصل واغسلها وانشفها واحطها علي وش الحلة
واكون مولعة فحمة لحد ما تكون جمرة
احطها علي ورق البصل واطفيها بملعقة سمن مقدوح واغطي عليها بسرعة علشان الرائحة
وبعد كده اغرفيه في طبق كبير

ولما يهدى شوية
ابدأى انقليه في اطباق التقديم بعد ما تشيلي اي زيادات من الارز
وبالهنا والشفا

 

رد: محشي خس 2025 ، محشي بطريقتى العبقريه2025،Stuffed lettuce

تسلمى ياعسل
ع الوصفه الرائعه

 

رد: محشي خس 2025 ، محشي بطريقتى العبقريه2025،Stuffed lettuce

يمى يمى
تسلمى ع الطبخه الحلوه