قصيده حزينه 2024 , قصيده مبكيه , قصائد حزن قصيده حزينه 2024 , قصيده مبكيه , قصائد حزن صباحكم/مساكم ممزوج برضا الرحمن يسعدني ان اقدم لكم اليوم موضوع . قصيده قابلتها صدفـه بمستوصـف القمـه ، قصيده مبكيه ، قصيده محزنه حيث ان قابلتها صدفـه بمستوصـف القمـه بالعين راعيتهـا لحظـه وترعانـي شميت انا عطرها ويابخت من شمـه يدوخ ويسكر ولو ماهـو بشربانـي قمت اتذكـر زمـان فـات والمـه لا عاده الله نصيـب يـوم ودانـي هلت دموع العيون ولا بقـي همـه مما جرالـي نسيـت الآم الأسنانـي معها اخوها وضع كفه علـى فمـه كنـه يقـول الله الستـار ياقـانـي نفس الملامـح ويشبـه دمهـا دمـه سبحان ربي خلقهم دعـج الاعيانـي يدري بحبي وتـدري امـه وعمـه حال القدر بيننـا والحـب سلطانـي يبكي ويمسح دمـوع عيونـه بكمـه يبكـي علشانهـا ويبكـي علشانـي والله يالولا الحيـا والديـن لأضمـه واسمعه شهقتن مـن قلـب شفقانـي والحب بلوى ومنـه النفـس مهتمـه وش حيلتي والغضي دمي وشريانـي جسمي يجي ويروح والقلب من يمـه القلب عنـده يبيـه ولايبـي ثانـي اقسم بربي وانا لـي مذهـب وذمـه لااعيش احبه ولو حبه علـي جانـي شربت كاس الهوى ورويت من سمه مامت وارتحت ولاهوب اللي احياني اضحك مع الناس والاحزان منظمـه كني سعيد وانـا مبلـي بالاحزانـي عندي وصيه وتالي الهـرج يايمـه الموت حق على القاصي مع الدانـي وان صرت فوق النعش والناس ملتمه مروا على بيتها وتشـوف جثمانـي قولولها الموت زم صويحبتس زمـه مهما تحبه ولوهـو بالنعـش فانـي شلناه الى المقبره وادعي لـه القمـه خوذي ثوابه وجودي له بالاحسانـي يالله يالمقتـدر ياكـاشـف الغـمـه تفرج لمن حالته دومـن بنقصانـي
