طريقة عمل خبز التورتيلا , وصفة سهلة لعمل خبز التورتيلا طريقة عمل خبز التورتيلا , وصفة سهلة لعمل خبز التورتيلا النهارده هنعمل مع بعض خبز التورتيلا البيتي، وتقدري تحشيه اللي إنتي عاوزاه. خبز التورتيلا المقادير: 1¾ كوب دقيق ذرة 1 1/8 كوب ميه ساخنة ملحوظة: ممكن تزوّدي ميه أو دقيق ذرة لو حسيتي أن العجينة لسه محتاجة. الطريقة: 1- اخلطي الدقيق مع الميه الساخنة كويس لحد ما الخليط يتجانس، وبعدين ابدأي اعجنيها بإيديكي، وبعد كده غلّفيها بكيس بلاستيك وسيبيها على جنب لمدة 30 دقيقة. 2- قطعي العجينة لـ15 قطعة متساوية، وفي الوقت ده حطي الطاسة على نار هادية وسيبيها تسخن، وبعدين شكّلي العجينة على هيئة كُرات، وبعدين خدي كورة وحطيها ما بين كيس بلاستيك وابدأي افرديها بالنشّابة، وبعد كده حطيها في الطاسة الساخنة وسوّيها على النار لمدة 30 ثانية لكل ناحية أو لحد ما يبقى لونها بني خفيف، وكرري الخطوات دي في باقي كرات العجين، وقدميهم.. وبالهنا والشفا.
رد: طريقة عمل خبز التورتيلا 2024 , وصفة سهلة لعمل خبز التورتيلا الخبزة دة جميل جدااا وكمان لو اتحشي شاورما او لحمة بيبقي كريب تحفة
رد: طريقة عمل خبز التورتيلا 2024 , وصفة سهلة لعمل خبز التورتيلا انا اول مرة فى حياتى اسمع عن الاكلة دى بس شكلها حلوة اوى
رد: طريقة عمل خبز التورتيلا 2024 , وصفة سهلة لعمل خبز التورتيلا حلوه اوى وشبه العيش السووري اللى بيتعمل فيه الشاورما طريقتك سهله واكيد هحطها فى المفضله واجربها وممكن احشيه شااورما
