طريقة عمل السمبوسك 2025 , السمبوسك بالفراخ والجبنة , سمبوسك بحشو جديدة

طريقة عمل السمبوسك 2025 , السمبوسك بالفراخ والجبنة , سمبوسك بحشو جديدة

طريقة عمل السمبوسك 2025 , السمبوسك بالفراخ والجبنة , سمبوسك بحشو جديدة

هاى يا احلى اعضاء فى احلى منتدى عاملين ايه

معانا النهارده اكله لذيذة وسهلة

السمبوسك بطريقه وحشوه لذيذة



المقادير:
باكيت سمبوسك
3 صدر فراخ مقطّع مكعبات صغيرة
عود كرفس مقطّع مكعبات صغيرة
ملح وفلفل أسود حسب الرغبة
كوب جبنة موتزاريلا مبشورة
ملعقة صغيرة كزبرة مطحونة
¼ ملعقة صغيرة مستكة
¼ كوب جبنة مطبوخة
2 بصلة كبيرة مفرومة
ملعقة صغيرة بهارات
ملعقة صغيرة بابريكا
3 فص ثوم مهروس
2 ثمرة جزر مبشور
2 ملعقة كبيرة زبدة
ملعقة صغيرة كركم
ملعقة صغيرة شطة

الطريقة:
1- سيّحي الزبدة مع المستكة في طاسة على نار متوسطة، وبعد كده حطّي البصل والكرفس والثوم وشوّحيهم مع بعض وسيبيهم لغاية ما البصل والكرفس يدبلوا شوية.


2- اخلطي الكركم والبابريكا والشطة والبهارات والكزبرة مع بعض، وضيفيهم على خليط البصل والكرفس.


3- حطّي الفراخ مع الخليط وتبّليه بكمية ملح وفلفل مناسبة وقلبيهم كويس مع بعض وسيبيه لغاية ما الفراخ تستوي، وبعد كده ضيفي الجزر عليهم وقلبيهم شوية مع بعض.


4- ارفعي الخليط من على النار وسيبيه يبرد شوية، وبعد كده ضيفي عليه الجبنة الموتزاريلا والجبنة المطبوخة وقلبيهم مع بعض.



5- اخلطي ملعقة أو ملعقتين دقيق مع شوية ميه علشان تلزقي بيهم آخر طرف من السمبوسك علشان ما تفكّش منك، وبعد كده ابدئي احشي السمبوسك واقليها في زيت غزير لغاية ما لونها يبقى دهبي.


6- قدّمي قطع السمبوسك في طبق التقديم وتقدري تستمعي بيها في العشاء مع البطاطس الشيبسي .. وبالهنا والشفا.​

 

رد: طريقة عمل السمبوسك 2025 , السمبوسك بالفراخ والجبنة , سمبوسك بحشو جديدة


جديدة اوووي سمبوسك الفراخ
انا ديما بعملها باللحمة

 

رد: طريقة عمل السمبوسك 2025 , السمبوسك بالفراخ والجبنة , سمبوسك بحشو جديدة


اول مرة اشوفها بالفراخ دايما نعملها باللحمة او الجبنة
بس اكيييد هجربها شكلها يفتح النفس

 

رد: طريقة عمل السمبوسك 2025 , السمبوسك بالفراخ والجبنة , سمبوسك بحشو جديدة

انا بعملها كده تمام بس مكنتش بحط الكركم خالص فى السمبوسك

 

رد: طريقة عمل السمبوسك 2025 , السمبوسك بالفراخ والجبنة , سمبوسك بحشو جديدة



جوعتيني .. السميوسك اساااسي عندنا فى اول يوم رمضان لازم يبقا جنب الاكل
وبعمله بالجنبه الروومي او الشيدر بيطلع يجنن وباللحمه برضو .
بيبقا سناك خفيف جنب الاكل