أنت بدايات الغلا وأنت بعد مسك الختام ، قصيدة روعة ، 2025

أنت بدايات الغـلا وأنت بعـد مسـك الختـام ، قصيدة روعة ، You beginnings Algla and you still keeping conclusion
​

اهلا احبابى واعزائى فى منتدانا الغالى رسالة حب
اقرأوا اروع الكلمات هنا فقط فى قسم الشعر

لا قلت لك تحبنـي ؟ أسمـع كلامـي بإنسجـام

عطني ملامح عينك وخـل السوالـف والكـلام
مادام محرج ! لا يهمك تكفي نظرات العيـون

العين ما تكذب ومنهـا ينكشـف سـر الغـرام
طفل ٍ ما يقدر يكتم أسراره عن اللـي يسألـون

لا قلت لك تحبنـي ؟ أسمـع كلامـي بإنسجـام
وان قلت لك مشتاق لي ؟ جاوبني بسحر الجفون

أموت باللي يستحي حتى على رد السـلام
على كثر شوقه .. يحس انه عليّه مـا يمـون

وأموت باللي لا حكى يسبـق حكاويـه إبتسـام
يعطيني من برقه قبل يعطيني من غر المـزون

حبيت من حبـك مشاويـري وحبيـت الـدوام
فيك اختلف رتم الحياة وصار له طعـم ٍ ولـون

ما همني بكرة ولا فكرت بالماضـي .. مـادام
انك معي وأبادلك حبك ،، يكـون اللـي يكـون

لا تنشغل عني وحط راسك على صـدري ونـام
ارقد على دقات قلب ٍ يحتفـل خلـف السجـون

مشاعري من لهفتي تجري عليـك بـلا نظـام
لها ليالي تزدحـم فـي قلبـي وجاهـا جنـون

خلني أعبّر لك عن أشواقـي وحبـي والهيـام
وأعطيك شي ٍ مـا قـدرت أوصّلـه بالتيلفـون

بـقبّل عيونك وأشـم أنفاسـك العطـرة وأنـام
الين أحس إني أهيم بـكون والعالـم بـكـون

أجمل محبه بالهـوى حـب البلابـل والحمـام
يضمهم عش الهنا طول العمر فـوق الغصـون

وأبشع محبه بالهوى حـب ٍ ترعـرع بالظـلام
قصة تدور أحداثها من يسبـق الثانـي يخـون

لا تزعجك دنيا التحايـل والخديعـة والخصـام
لا تبعدك منـي ومـن محبتـي شـك وظنـون

أنت بدايات الغـلا وأنت بعـد مسـك الختـام​

 

رد: أنت بدايات الغلا وأنت بعد مسك الختام ، قصيدة روعة ، 2025

قصيدة تحفة بجد