سلطه فواكهه بمناسبه رمضان تحفه - طريقه لذيذه وسهله جدا - سلطه فواكهه طعمها جميل جدا

بسم الله الرحمن الرحيم
السلام عليكم ورحمه الله وبركاته


الى كل اخواتى وحبايبى الحلوين اعضاء وزوار منتدى نجوم مصريه والى كل عشاق اكلات الفواكه كل سنه وانتم طيبين بمناسبه شهر رمضان الكريم فالنهارده اختكم داليا جيبالكم سلطه فواكه انما ايه هاتكلى صوابعك وراه ومتحتاريش الفاكهه الموجوده عندك فى البيت وكلنا طبعا عارفين انه فى رمضان محدش بياكل بنعتمد على العصير والفواكه واليكم اجمل واسهل طبق سلطه فواكهه يارب يعجبكم



المكونات:
3 موز مقطع دوائر- 2 تفاح مقشر ومقطع مكعبات- 3 كيوي مقطع مكعبات- علبة فواكه مشكلة... اختياري- 1 ليمون- عصير مانجو الربيع او عصير برتقال بس المانجا أطيب -ممكن اضافة اي نوع موجود عندك من الفواكه مثل الفراوله او الجوافه او الرومان او عنب


الطريقه :-
لازم تقطعي الموز وتنقعيه بعصير الليمونة وبعدها تشيليه وتقطعي التفاح وبرضه تنقعيه بعصير الليمونة ودى كله عشان ما يبقاش لونهم اسود وبع ما تقطعى الموز وبعد ما حطتيه بالليمون انقليه على طبق كبير والتفاح يقطع فى طبق الليمون وبعد ذلك أضيفى الكيوي وممكن بعدين تضيفى الفواكه المعلبة مع الشراب اللي فيها وعصير المانجو مش كله يعني اللي يغطي الفواكه بس وبعد ذلك ترتيبه في كاسات وطبعا يحفظ بالثلاجة ولو بقى كم يوم عادي ما بيذبل ولا يسود

​