السلام عليكم ورحمه الله وبركاته الى كل اخواتى واعزائى اعضاء وزوار منتدى اقفشني والى كل اللى بيعشقوا اكلات الهامبورجر النهارده جايب لم طريقه عمل البرجر ويعتبر من السندوتشات المحبوبه والمفضله لدى الكبار والصغار واليكم طريقه عمل الهامبورجربخطوات سهله وبسيطه المقادير: 1/2 كيلو لحم مفروم -2 ملعقه كبيره مستردة -2ملعقه كبيره صويا صوص -2ملعقه كبيره زيت -وكيس واحد من علبة سبايسي للهمبورجر وهو دة اساس ريحة الهامبورجر الجاهز -روز مارى -شطة -ملعقه خل ابيض التحضير: نضرب كل المكونات فى الكبة لغاية ما تبقى ناعمة وسهلة التشكيل وريحتها هامبورجر اصلي مية مية وبعد كده افرديها علي ورق شمع بسمك 1 سم واقطعيها دايرة كبيرة ممكن تقطعيها بالقمع ثم تحطيها في علبة فلين وبين كل واحدة والتانية كيس عشان ماتلزقش ويتحطوا في الفريزر يجمدوا شوية وتطلعيهم تشوحيهم في طاسة تيفال وتقدمى معا كاتشب وبطاطس محمره وطرنشات طماطم بالهنا والشفا
