بسم الله الرحمن الرحيم السلام عليكم ورحمة الله وبركاته الى كل اخواتى واعزائى اعضاء وزوار منتدى نجوم مصريه والى كل عشاق اكلات الكفته النهارده جيبالكم طريقه عمل كفته البطاطس اللذيذه وكلنا عارفين طبعا ان الكفته من الاكلات الجميله والمغذيه والمفضله لدى المستهلك واليكم طريقه عمل كفته البطاطس بخطوات سهله وبسيطه يارب تعجبكم المكونات وطريقه التحضير بطاطس مسلوقة ومهروسة كويس وخليها تتصفي كويس بعد السلق وتنشف كمان علشان تعرفي تحشيها وبعدين هنضيف عليها كوباية بقدونس مفروم وبيضة ومعلقتين فجيتار والبهارات اللي تحبيها وملح ونقلبهم كويس ونتركهم على ناحية ونحضر الحشوة ممكن عصاج او لانشون او سوسيز او جبنة ونحط على ادينا دقيق ونبدا الحشو وللتغطية هنعمل الخلطة السحرية:- هتخليها هشة ومش تفك ابدا هنحط بيضتين ومعلقتين دقيق ومعلقة ميه وفلفل اسمر وملح بسيط ونقلبهم كويس ونحط فيهم صوابع البطاطس بعد الحشي وبعدين نحطها في البقسماط ونغطيها كويس لحد ما نخلص البطاطش كلها ونسيبها نص ساعة لو عندك وقت علشان تجمد وتمسك كويس وبعدين نحمرها في زيت سخن واول ما نزلها نهدي تحتها خالص
