طريقة عمل الجلاش بالسجق 2025 , الجلاش بطريقة جديدة

طريقة عمل الجلاش بالسجق , الجلاش بطريقة جديدة

طريقة عمل الجلاش بالسجق , الجلاش بطريقة جديدة

هاى عليكم جميعا عاملين ايه فى الحر ده

حرانين زيى ربنا يهون علينا الايام دى بجد
المهم بلاش رغى ونخش فى الموضوع علطول

النهارده بقى هنعمل ايه الجلاش بس بطريقة جديده
ويبقى تغيير فى الاكل



المقادير:
لفة جلاش
½ كيلو سجق مقطّع شرائح
2 ثمرة فلفل أخضر مقطّع شرائح
2 ثمرة طماطم مقطّعة شرائح
4 ملعقة كبيرة زبدة سايحة
ثمرة بصل مقطّعة حلقات
¼ كوب موتزاريلا
ملح وفلفل أسود
كوب لبن
بيضة

الطريقة:
1- هاتي صينية وادهنيها بطبقة خفيفة من الزبدة وابدئي افردي 3 أو 4 طبقات من الجلاش، وبعد كده ادهنيهم بطبقة خفيفة من الزبدة، وكرري الخطوة دي لحد ما توصلي إلى نصف كمية الجلاش.

2- رصّي عليهم البصل والطماطم والفلفل والسجق والجبنة الموتزاريلا، وبعد كده افردي عليهم 3 ورقات جلاش وادهنيهم من على الوش بالزبدة، وكرري الخطوة لحد ما تخلّصي كمية الجلاش.

3- قطّعي الجلاش مربعات ودخليه الفرن لمدة 10 دقائق، وبعدين اخفقي البيضة مع اللبن والملح والفلفل الأسود بالمضرب اليدوي، وبعد كده طلعي الجلاش من الفرن وصبّي عليه خليط البيض واللبن، وبعدين دخّلي الصينية في الفرن تاني وسيبيها لحد ما الجلاش يستوي ويبقى لونه دهبي، وبعد كده طلّعيه وسيبيه يبرد شوية وقدّميه.. وبالهنا والشفا.​

 

رد: طريقة عمل الجلاش بالسجق 2025 , الجلاش بطريقة جديدة


حلوة اووووووي
والفكرة جديدة انا بعملوا باللحمة
بس لازم اجرب الطريقة دي

 

رد: طريقة عمل الجلاش بالسجق 2025 , الجلاش بطريقة جديدة


الله الصورة جوعتنى اوووووووى اووووووى
انا اعرف الجلاش باللحمة او بالجبنة لكن بالسجق جديد الصراحة بس لازم الواحد يجربه

 

رد: طريقة عمل الجلاش بالسجق 2025 , الجلاش بطريقة جديدة



عمل الجلاش بالسجق