الحبار المحشو في المنزل , مقادير عمل الحبار المحشو , طريقه تحضير الحبار المحشو 2025 المقادير : اسعملت جمبرى وكالامارى وفلفل الوان ومشروم وكرفس .. "ملحوظة.. الكرفس البلدى بتاع مصر بيكون اطعم" توم وبصل وجنزبيل وتوابل " كمون وشطة وفلفل وملح وحبهان و مستكة طماطم وصلصة وخضرة بقدونس وشبت وكسبرة خضرا ونعناع وريحان وزبدة الطريقة : اولا لتنضيف الجمبرى بتقشرى لغاية اخر عقله فى القشرة وتسيبيها زى الصورة بعدين تفتحى وتشيلى الخيط الاسود وللغسيل تغطسيه فى مية مرتين او تلاتة بسرعة عشان ما يشدش فى السوى الكالامارى بعد سلخه وازالة الراس تقطعيه بعرض بوصه وتغسليه فى مية وملح وتفرديه على ورق نشاف عشان تشيلى المية الزيادة الطماطم هنسبها الاول عشان نقلل على اد ما نقدر من السوائل فى الطاجن .. فى الخلاط الطامطم مع الصلصة والتوابل ريحان ناشف وزعتر ونعناع ناشف ومعلقة سكر "بتفرق كتير اوى فى الطعم" فى حلة بتسيحى حتى زبدة مع مسكتة وحبهان وفصين توم ولما يصفر نزلى الطماطم وسيبيها لما تتسبك لتتبيل الكالامارى والجمبرى كام فص توم مع جنزبيل فريش او بودرة وكمون وشطة وفلفل اسود وملح ودقيهم فى الهون او باى طريقة وقلبيهم عليهم ومعاهم بصلة انصاف شرايح عشان يندمجوا كويس
